Экология, геология және табиғи ресурстар министрінің бұйрығымен Жанат Самат «Жасыл даму» АҚ басқарма төрайымы болып тағайындалды, деп хабарлайды Halyq Uni тілшісі.

ЖАНАТ САМАТ

1980 жылғы Ақтау қаласының тумасы. Мамандығы – экономист.

Еңбек жолын 2001 жылы Маңғыстау облысы бойынша салық комитетінде бөлімнің бас инспекторы болып бастаған. Әр жылдары өңірдегі салық комитетінде, басқармаларда бөлім мен басқарма басшысы қызметтерінде болған. 

2010-2012 жылдары аралығында «Каспий ӘКК-да басқарушы директор-аппарат басшысы, басқарма төрағасының орынбасары лауазымдарында болды.

2014-2016 жылдары Қызылорда қаласында «Байқоңыр» ӘКК-да басқарма төрағасы қызметін атқарды.

2019 жылы Экология, геология және табиғи ресурстар министрінің кеңесшісі болып тағайындалды.

2020 жылдан бастап министрлікке қарасты Қоршаған ортаны қорғаудың ақпараттық-талдау орталығының бас директоры қызметінде жұмыс істеп келді.

«Жасыл Даму» АҚ Қазақстандағы қалдықтарды жинау бойынша жаңа оператор ретінде бекітілгені белгілі.