×

Халықтың жылуға артық төлеген 489 млн теңгесі қайтарылды

Маңғыстау облысының тұтынушылары үшін ғана қайта есептеу болған жоқ

 Дастан Жұмабекұлы 01.08.2022 | 13:16
фото: gov.kz

Қазақстан тұтынушыларына жылу үшін артық төленген 490 миллион жуық теңге қайтарылады.

Бұл туралы Ұлттық экономика министрлігі Табиғи монополияларды реттеу комитеті хабарлады.

Жұмыс табиғи монополиялар саласындағы заңнаманың нормаларына сәйкес жүргізілген. Оның қорытындысы бойынша қайта есептеу нәтижесінде жылу маусымында (2022-2023 жылдары) немесе күнтізбелік жыл үшін (2022 жылдың соңына дейін) қаражатты есептеуді қайтару халықтың жеке шотында көрсетіледі және аванс (сальдо) түріндегі жеке жолда жазылады.

Комитеттің хабарлауынша, Қазақстан Республикасының табиғи монополиялар туралы заңнаманың нормаларына сәйкес табиғи монополия субъектісі сырттағы ауаның нақты температурасын ескере отырып, жылу энергиясымен жабдықтау бойынша реттеліп көрсетілетін қызметтің құнын тұтынушыларға тікелей не тұтынушының тұрған жерін анықтау мүмкін болмаған жағдайда жылу энергиясымен жабдықтау бойынша реттеліп көрсетілетін қызметке ақы төлеу кезінде тарифті төмендету арқылы қайта есептеуді жүргізуге мiндеттi.

Осылайша, өткен 2021-2022 жылдардағы жылыту кезеңінде жылумен жабдықтау бойынша қызмет көрсететін табиғи монополия субъектісі жылу энергиясының төлеміне ҚҚС-ты ескере отырып жалпы сомасы 489 950 250 теңгеге қайта есептеу жүргізді, - делінген хабарламада.

Одан әрі комитет қай өңірде қанша соманың қайтарылғанын хабарлады. Оның есебі төмендегідей:

- Алматы қаласы бойынша – 40 935 520 теңге;

- Нұр-Сұлтан қаласы бойынша – 1 755 990 теңге;

- Шымкент қаласы бойынша – 27 698 240 теңге;

- Алматы облысы бойынша – 9 284 560 теңге;

- Ақмола облысы бойынша – 20 338 930 теңге;

- Атырау облысы бойынша – 8 275 780 теңге;

- Ақтөбе облысы бойынша – 20 185 000 теңге;

- Шығыс Қазақстан облысы бойынша – 186 251 070 теңге;

- Жамбыл облысы бойынша – 16 585 480 теңге;

- Батыс Қазақстан облысы бойынша – 786 580 теңге;

- Қарағанды облысы бойынша – 81 306 480 теңге;

- Қостанай облысы бойынша – 4 449 030 теңге;

- Қызылорда облысы бойынша – 38 824 760 теңге;

- Павлодар облысы бойынша – 3 138 510 теңге;

- Солтүстік Қазақстан облысы бойынша – 26 648 420 теңге;

- Түркістан облысы бойынша – 3 485 900 теңге.

Маңғыстау облысының тұтынушылары үшін қайта есептеу болмайды. Себебі жылу энергиясымен жабдықтау бойынша реттеліп көрсетілетін қызметтің құны сыртқы ауаның нақты температурасын есепке алуға сәйкес жүргізілген.

Серіктес жаңалықтары

Сараптама