Жасөспірімдерге электросамокатпен жүруге тыйым салынады
Биыл жол қозғалысы туралы заңға тиісті өзгеріс енгізіледі
фото: sxodim.com
Елімізде 16 жасқа толмаған жасөспірімдердің электросамокатпен жүруіне тыйым салынады.
Бұл туралы Әкімшілік полиция комитеті мәлімдеді.
Электросамокатпен тек бір адам жүруі керек. Қозғалыс жылдамдығы сағатына 25 километрден аспауы тиіс, – делінген хабарламада.
Биыл жол қозғалысы туралы заңға тиісті өзгеріс енгізіледі. Жаңа талапқа сай электросамокат иелері қозғалыс құралына жарықтандырғыш орнатуы міндеттеледі. Бұған дейін самокатқа арналған ереже бекітілген болатын.
