Зеленский Черчилл атындағы сыйлықпен марапатталды
«Путиннің жабайы басқыншылығына төтеп беріп, адам нанғысыз батылдық пен қайсарлық көрсеткені үшін», - делінген хабарламада
фото: twitter.com
Ұлыбритания Үкіметі Украина президенті Владимир Зеленский Уинстон Черчилл атындағы сыйлықпен марапаттады.
Бұл хабар Британия Үкіметінің Twitter-дегі парақшасында жарияланды.
Украина президенті Владимир Зеленскийге «Путиннің жабайы басқыншылығына төтеп беріп, адам нанғысыз батылдық пен қайсарлық көрсеткені үшін» Уинстон Черчилл атындағы сыйлық берілді, - делінген хабарламада.
Ұлыбританияның премьер-министрі Борис Джонсон Зеленскийге сыйлықты кездескенде тапсыратынын айтты. Салтанатты шара Даунинг-стритте болды. Оған Украина президенті видеобайланыспен шықты.
