Алматы облысында атыс болып, екі адам жараланды
Есіктегі атыстан екі адам зардап шекті
Фото: ашық дереккөздерден
Қарудан оқ атқандарды полиция іздестіріп жатыр.
Оқыс жағдай қала көшелерінің бірінде болған. Алматы облыстық ПД баспасөз қызметінің хабарлауынша, оқ атылғаны туралы хабарлама полиция бөлімшесіне 22 шілдеде түскен.
Қазір жарақат алған Есіктің 18 және 30 жастағы тұрғындары Еңбекшіқазақ орталық аудандық ауруханасында ем қабылдап жатыр. Ал бейбіт күнде оқ жаудырған күдіктілерге іздеу жарияланды.
Аталған дерек ҚК 24-бабы (кісі өлтіруге оқталу), 99-бабы (кісі өлтіру) бойынша полицияға тіркелді. Тергеу амалдары жүріп жатыр.
