Сыбайлас жемқорлыққа қарсы іс-қимыл агенттігі күдікті Махамбет Абжанның отбасы мүшелерінің, оның ішінде оның кәмелетке толмаған балаларының банктік шоттарында орын алған «шектеулер» туралы ақпараттың Telegram-арналардың бірінде таратылуына байланысты бұл ақпараттың шындыққа сәйкес келмейтінін хабарлады.

Тергеу аясында күдіктінің өзінің ғана банктік шоттарына ғана шектеулер қойылды. Жалған ақпарат қоғамдық пікірді басқару және тергеуге әсер ету мақсатында таратылады. Азаматтардан ресми ақпарат көздерінен алынған ақпаратқа сенуді сұраймыз, –  делінген хабарламада.

Күдікті журналист және блогер Махамбет Абжан екі айға қамауға алынған болатын.

Ол 3 шілде күні сыбайлас жемқорлыққа қарсы қызмет қызметкерлерімен ұсталды. Антикор мәлімдегендей, Махамбет Абжанды ұстауға кәсіпкерлерді бопсалауы себеп болған.