Қазақстанда медициналық мамандықтар бойынша бакалавриатқа және резидентураға білім беру гранттарының саны артты. Бұл туралы Денсаулық сақтау министрлігі хабарлады.

Қазір бакалавриатқа барлығы 2700 грант бөлінді: «Мейірбике ісі», «Фармация», «Жалпы медицина/Медицина», «Стоматология», «Педиатрия», «Қоғамдық денсаулық» мамандықтарына 2335 грант, квоталар - 365 грант (жетім балалар, мүгедектігі бар тұлғалар және т. б.), 20 грант – халықаралық келісімдер шеңберіндегі гранттар.

Магистратураға денсаулық сақтаудағы Менеджмент, Қоғамдық денсаулық сақтау, Мейірбике ісі, Фармация, Биомедицина, Медицина, Медициналық-профилактикалық іс мамандықтары бойынша 325 грант бөлінді. Сонымен бірге 2023 жылы мемлекеттік гранттардың саны 1500 - дің орнына 1700 - ге дейін, 2024 жылы-1800, 2025 жылы-2000-ға дейін ұлғайтылатын болады деп жоспарланып отыр.

Айта кететін жайт, резидентураның мемлекеттік білім беру тапсырысын бөлу кезінде денсаулық сақтау, аймақтандыру басқармаларының өтінімдеріне және ЖОО, ҒЗИ, ҰО өтінімдеріне сәйкес өңірлердің қажеттілігі ескеріліп отырады.

Ведомство өкілдерінің мәліметінше, медицина кадрларын даярлауға арналған мемлекеттік білім беру тапсырысы өңірлердің қажеттілігі мен жергілікті атқарушы органдардың өтінімдері ескеріле отырып қалыптастырылады. Жыл сайын республикалық комиссия Денсаулық сақтау саласындағы білім беру ұйымдары үшін мамандықтар бойынша білім беру гранттарын алқалы түрде бөледі.

Бұл ретте аса тапшы мамандықтарды бөлу жоғары оқу орындарын өңірлендіруді ескере отырып, өңірлердің қажеттіліктері мен өтінімдері негізінде комиссиялық түрде қалыптастырылады.

Еске сала кетсек, бұған дейін биыл жоғары оқу орындарына 88 111 грант бөлінгенін жаздық.