Қаңтардағы тәртіпсіздіктер кезінде Қазақстанда соққыға жығылған қырғызстандық музыкант Викрам Рузахуновтың ісі бойынша тергеу аяқталды, деп хабарлайды Sputnik Қырғызстан.

Қаңтарда Алматыда болған оқиға кезінде ер адам митингке Қырғызстаннан келгенін айтқан. Қырғызстандықтар танымал музыкантты танып, қазақстандық қауіпсіздік қызметкерлерінің әрекеттеріне наразы болған еді.

Музыкант Facebook әлеуметтік желісіндегі парақшасында кінәлілерді қылмыстық жауапкершілікке тарту үшін іс материалдары Қырғызстанның Бас прокуратурасы арқылы Қазақстанның құзыретті органдарына жіберілетінін жазды.

Бішкектегі Ленин ауданының полиция бөлімі тергеуді аяқтап, материалдармен таныстырды. Сарапшылар менің денсаулығыма ауыр зиян келтірілгенін анықтады. Кінәлілерді анықтау және қылмыстық жауапкершілікке тарту үшін жиналған материалдар Қазақстанның құзыретті органдарына жіберіледі, - деп жазды Викрам Рузахунов.

Қаңтарда Алматыда жаппай тәртіпсіздіктер кезінде ұсталған қырғыз музыканты Викрам Рузахунов құқық қорғаушылардың күш қолданғанын мәлімдеген болатын. Ол өзінен жауап алу кезінде танымал музыкант екенін айтқан. Бірақ тәртіп сақшылары ол ақпаратты тексермеген.

«Жауап алу кезінде танымал музыкант екенімді қайта-қайта айттым. Ал азаптау кезінде айқайлап тұрып, атымды интернет арқылы тексеруді өтіндім. Бірақ Қазақстанның құқық қорғау органдарындағы бірде-бір адам кім екенімді тексерген жоқ. Қайта мені келемеждеді», - деп жазды Викрам Рузахунов әлеуметтік желідегі парақшасында.