Журналист Махамбет Абжан екі айға қамауға алынды
Бұлтартпау шарасын таңдау соты бес сағаттан астам уақытқа созылды
Фото: ашық дереккөздерден
Күдікті журналист және блогер Махамбет Абжан екі айға қамауға алынды, деп хабарлайды қалалық тергеу сотының баспасөз қызметі.
Қазақстандық журналист Махамбет Абжан 3 шілде күні сыбайлас жемқорлыққа қарсы қызмет қызметкерлерімен ұсталды. Антикор мәлімдегендей, Махамбет Абжанды ұстауға кәсіпкерлерді бопсалауы себеп болған.
Желіде журналистің ұсталғаны туралы бейнежазба пайда болды.
Махамбет Абжан желілік басылым ашқан. Оның мақсаты "Инсайдерлер, тергеулер, репортаждар" деп көрсетілген. Telegram-да Абжан каналына 19 мыңға жуық адам жазылған.
