Елордада ТЖД басқарма басшысы пара алу күдігімен тергеліп жатыр
Ол компания директорынан 5 млн теңге пара алған
![](https://halyq-uni.kz/cache/imagine/1200/uploads/news/2022/07/05/62c41a36db0e6993392627.jpg)
Нұр-Сұлтанда Антикор қызметкерлері стадионды апатты деп тану үшін пара алған шенеунікке қатысты тергеуді бастады, деп хабарлайды Сыбайлас жемқорлық қарсы іс-қимыл агенттігі.
Антикоррупциялық қызмет Қажымұқан Мұңайтпасов атындағы орталық стадионды апаттық жағдайда деп тануға жәрдем көрсеткені үшін Нұр-Сұлтан қаласы Төтенше жағдайлар департаменті басқарма басшысына қатысты компания директорынан 5 млн теңге сомасында пара алу фактісі бойынша тергеп-тексеру амалдарын бастады. Тергеу жалғасып жатыр, - деп жазылған хабарламада.
Соңғы шешімді сот қабылдайды. Тергеу мүддесіне сәйкес, өзге ақпарат жарияланбайды.