Елжан Біртановқа қатысты сот тыңдауы өтетін уақыт белгіленді
Алдын ала тыңдау ашық режимде өтеді
Бұрынғы Денсаулық сақтау министрі Елжан Біртановтың ісі бойынша алдын ала сот тыңдауы 26 қаңтарға белгіленді. Бұл туралы Нұр-Сұлтан қалалық сотының баспасөз қызметінен хабарланды.
Ресми мәлімет бойынша, тыңдау ашық режимде өтеді. Қылмыстық іс Нұр-Сұлтан қаласының №2 Сарыарқа аудандық сотының өндірісіне келіп түскен.
Істі қарайтын судья – Ибрагим Әлкенов.
Қаңтардың 17-не бұрынғы Денсаулық сақтау министрі Елжан Біртановқа қатысты қылмыстық іс сотқа түсті.
БІРТАНОВ ІСІ
Елжан Біртанов Мемлекет басшысының жарлығымен 2020 жылғы 25 маусымда Денсаулық сақтау министрі қызметінен босатылды;
2020 жылғы 3 қарашада экс-министрге қатысты аса ірі көлемде бюджет қаражатын ысырап ету фактісі бойынша қылмыстық іс қозғалып, қамауға алынды;
2020 жылғы 7 қарашада төрт айға үйқамаққа алынды;
2021 жылғы 12 ақпанда Нұр-Сұлтан қаласының тергеу соты экс-министрдің үйқамақтағы мерзімін наурыз айының соңына дейін ұзартты;
2021 жылғы 6 мамырда сот Елжан Біртановтың үйқамақ уақытын 14 маусымға дейін созды;
2021 жылғы 9 маусымда Біртановтың үйқамақ уақыты 14 шілдеге дейін созылды;
2021 жылғы 14 шілдеде сот экс-министрдің үйқамақ мерзімін 14 қыркүйекке дейін ұзартты;
2021 жылғы 14 қыркүйекте үйқамақ мерзімі 14 қарашаға дейін ұзартылды;
2021 жылғы қарашада үйқамақ мерзімі тағы 2 айға ұзартылды.
