Литва Қорғаныс министрі Арвидас Анушаускас Санкт-Петербургте болған Путин мен Лукашенконың әңгімесінен кейін соғысқа дайын екендерін мәлімдеді.

Бұл туралы delfi.lt сайты хабарлады.

Ол соғысқа Литвамен бірге НАТО-ның да дайын екенін де айтты. Өйткені, Литва Солтүстік Альянстың бір мүшесі.

Литва Қорғаныс министрінің айтуынша, Санкт-Петербургте Путин мен Лукашенко арасында Литваға соғыс ашу туралы әңгіме болған. Сол жолы Беларусь президенті Литваның Калининградқа баратын темір жолды жауып тастауы Ресейге соғыс жариялағанымен бірдей екенін айтып, Кремль басшысының намысын бір қайрап қойған.

Бірақ бұлардың қоқан-лоқысынан Литва қорқайын деп отырған жоқ.