×

«Мені сатқындық жасаған сияқты көрсетіп отырсыздар» - Божко мәлімдеме жасады

Ол өзінің жазбасына деген қызығушылықтың неліктен артқанын түсінбейтінін және ешқандай ұлтшылдықты ойламағанын айтты

 Халық үні 27.06.2022 | 23:03
фото: ашық дереккөзден

Ресейлік саясаткердің жазбасын өз парақшасында бөліскен бұрынғы шенеунік Владимир Божко өзінің ісін арандатушылық деп есептемейтінін мәлімдеді, бірақ, сақтықта қорлық жоқ десе керек жазбаны өшіріп тастады.

Фэйсбук желісінде аптаның басы төтенше жағдайлар экс-министрі Владимир Божконың жазбасын талқылаудан басталды.

Жазбада ҚР бас прокуроры Берік Асылов пен РФ бас прокуроры Игорь Красновтың өткен кездесуі туралы екі түрлі ойға қалдыратын жаңалық болды. Екі прокурор өзара «русофобиялық қызметті» талқыға салған.

«Бұл туралы айту жағымсыз, бірақ олар маған украиндық үкіметтік емес ұйымдардың қолдауымен Қазақстанда да белсенді түрде русофобиялық қызмет дамып жатқандығы туралы үнемі хабарлайды», – деді Краснов Қазақстанның бас прокуроры Берік Асыловпен Минскідегі кездесуде.

Краснов шілде айында Қазақстан астанасына экстремизм мен терроризмге қарсы іс-қимыл бойынша тәжірибе алмасу мақсатында сарапшылар келетінін хабарлады.

Orda.kz тілшісі ТЖ экс-министрі, «Қазақстанның орыс, славян және қазақ ұйымдары қауымдастығының» төрағасы Владимир Божкоға хабарласып, мәселенің мән-жайын анықтауға тырысты. Ол өзінің жазбасына деген қызығушылықтың неліктен артқанын түсінбейтінін және ешқандай ұлтшылдықты ойламағанын айтты.

«Мен екі бас прокурордың кездескенін хабарладым, ал сіздер болсаңыздар мені сатқындық жасаған сияқты көрсетіп, асыра сілтеп отырсыздар. Сіздер баспасөзде тіптен қызып кеткенсіздер ме? Екі бас прокурор кездесіп, шетелдік арнайы қызметтерге қарсы тұру мәселесін қарастырып жатқанын және осының бәрін қайта қарағанын бөлістім, басқа ештеңе жоқ», – дейді төтенше жағдайлар жөніндегі экс-министр.

ҚР Бас прокуратурасы кездесу қорытындысы бойынша қатысушылар қылмысқа қарсы іс-қимыл саласындағы халықаралық ынтымақтастықты оның барлық көріністерінде нығайтуға ниет білдіргенін хабарлады.

Маусым айының ортасында Президент Қасым-Жомарт Тоқаев Санкт-Петербургтегі ПМЭФ-те болып, онда Владимир Путинмен кездескен еді және оған достас екі ел арасында алауыздық туғызып отырған кейбір журналистер мен саясаткерлердің Қазақстанға айтқан сөздері «түсініксіз» екенін хабарлаған-ды. Осылайша, Тоқаев жүргізуші Тигран Кеосаянның Қазақстан тарапына жасаған мәлімдемесіне наразы екенін атап өтіп, Қазақстанның Украина-Ресей қақтығысына деген көзқарасы туралы әңгімеге нүкте қойды

Серіктес жаңалықтары

Сараптама

Қазақстан IV Дүниежүзілік көшпенділер ойындарында алғашқы алтынын жеңіп алды

Әлемдік дода Түркияның Изник қаласында өтіп жатыр
02.10.2022 | 15:33

Алматыда бір отбасы жол апатынан зардап шекті

Оқиға жаяу жүргіншілер өткелінде болды
02.10.2022 | 14:22

Аймағамбетов мұғалімдерді Ұстаздар күнімен құттықтады

Білім беру саласында 500 мыңға жуық педагог еңбек етеді
02.10.2022 | 13:07

127 адам қаза болды: Индонезия президенті стадиондағы жанкүйерлердің өлімін тергеуді тапсырды

Дәрігерлердің айтуынша, өлім жағдайларының көбіне тұншығу себеп болған.
02.10.2022 | 12:04