×

Сарапшылар қазақстандықтардың кредиті қандай жағдайда кешірілетінін айтты

Қазақстанда кредиттің ең жоғары мөлшерлемесі 56%-тен 20%-ке дейін төмендеген жағдайда, елде кредиті барлар автоматты түрде азаяды

 Халық үні 27.06.2022 | 18:41
фото: baq.kz

Қазақстанда кредиттің ең жоғары мөлшерлемесін қайта қарау ұсынылды. Экономист Марат Әбдірахманов қазіргі 56% ставканы мүлдем тиімсіз деп атады. Бұл туралы sputnik.kz хабарлайды. 

Оның айтуынша, Азаматтық кодекс туралы заң бойынша несиелеудің шекті мөлшерлемесі экономикалық жолмен, соның ішінде Дүниежүзілік Банктің нормативтеріне сәйкес есептелуге тиіс.

«Бұл ставканың мөлшері Қазақстан экономикасының жалпы рентабельділігіне байланысты және одан жоғары бола алмайды. Ал бұл көрсеткіш 2021 жылы шамамен 20%-ті құрады. Мәселені шешу үшін Азаматтық кодекстің тиімсіз келісімдер бойынша барлық міндеттемені алып тастау туралы нормасын қалпына келтіру қажет», – деді сарапшы.

Әбдірахманов 1999 жылға дейін қолданыста болған Азаматтық кодекстің осы нормасын қалпына келтірген жағдайда, 3 миллион адамның кредиті сот арқылы есептен шығарылатынын мәлімдеді.

«Талап» зерттеулер орталығының директоры – Қазақстан Халық партиясы төрағасының орынбасары Рахым Ошақбаев та жылдық 56% мөлшерлеме Қазақстан үшін ойға қонымсыз екенін мәлімдеді.

«Ол еш нәрсеге негізделмеген және дамыған елдердің басым көпшілігіне қарағанда әлдеқайда жоғары. Бұл үкіметтің және осы жылдар ішінде экономикалық саясатпен, қаржы нарығын реттеумен айналысқандардың қателігі. 56% – бұл тонау», - деді ол.

Халық партиясы төрағасының орынбасары ең жоғары ставканы «қайта қаржыландыру ставкасынан екі есе мөлшерде белгілеу керек» деп атап өтті.

Серіктес жаңалықтары

Сараптама

Жантүршігерлік жол апаты: 2 адам қаза тауып, 7 адам ауруханаға жеткізілді

Олардың екеуі – кәмелетке толмаған балалар
25.09.2022 | 10:15

200-ден астамы қамалды: Маңғыстаудың малдары қараусыз жүр

Жануарларды соққан 3 ірі жол-көлік оқиғасы болып, 6 адам қаза тапқан
25.09.2022 | 09:31

Павлодар қаласының әкімі өзінен 10 мың теңге сұраған студентке жауап берді

Әкім студентке 10 мың теңге беруге уәде етті
25.09.2022 | 08:55

«Бейнекамераға түсірмеуді өтінді»: Атырауға бір топ ресейлік келді

Пойыздан түскендердің ішінде астрахандық қазақтар да бар: 
25.09.2022 | 07:40