28 маусымда қазақстандықтардың алғашқы легі қажылыққа аттанады – ҚМДБ
Биыл қажылықтың уақыты 7-12 шілде деп белгіленді
Фото: total.kz
Ертең, 28 маусымда Шымкенттен 189 қазақстандық қажылыққа аттанады, деп хабарлайды ҚМДБ баспасөз қызметі.
Қажылыққа аттанушылар Нұр-Сұлтан, Алматы, Шымкент және Ақтау қалаларынан тікелей рейстер арқылы Сауд Арабиясының Жидда мен Мәдина қалаларына барады.
Қазақстандықтар 4 қаладан 28 маусым – 3 шілде аралығында аттанып, 15-21 шілде аралығында елге оралады.
2022 жылы қажылыққа Қазақстаннан 4 мың адам барады деп жоспарланып отыр.
Айта кетейік, Сауд Арабиясының талабы бойынша 65 жастан асқан адам қажылыққа бара алмайды.
