Қазақстан Үкіметінің қаулысымен Алмаз Ыдырысов Индустрия және инфрақұрылымдық даму вице-министрі қызметіне тағайындалды, деп хабарлайды премьер-министрдің баспасөз қызметі

Алмаз Ыдырысов 1983 жылы Қарағанды қаласында дүниеге келген.

Қарағанды мемлекеттік техникалық университетін тәмамдаған. Еңбек жолын 2003 жылы жол жұмысшысы болып бастаған.

2005-2006 жылдары – «Қазақавтожол» ЖШС техникалық-өндірістік бөлімінің жетекші маманы. 

2006-2014 жылдары Көлік және коммуникация министрлігінің құрылымында қызмет етті.

2014-2016 жылдары – «Қазавтожол» АҚ Солтүстік Қазақстан филиалы директорының орынбасары. 

2016-2019 жылдары Инвестициялар және даму министрлігінің құрылымында басшылық лауазымдарда болды.

2019-2022 жылдары – ИИДМ Құрылыс және тұрғын үй-коммуналдық шаруашылық істері комитеті төрағасының орынбасары – бас мемлекеттік құрылыс инспекторының орынбасары.

2022 жылдың сәуірінен бастап ИИДМ Құрылыс және тұрғын үй-коммуналдық шаруашылық істері комитеті төрағасы – бас мемлекеттік құрылыс инспекторы болды.