АҚШ Конгресі Ресейдің Украинаға қарсы жасап жатқан соғысын «геноцид» деп тануға шешім қабылдады.

Бұл туралы Foreign Policy хабарлады.

Осыған байланысты заң шығарушылар тобы Ресейдің Украинаға қарсы жүргізіп жатқан соғысын АҚШ-тың геноцид деп тануы жөніндегі қарардың жобасын өз әріптестеріне ұсынды.

Қарар жобасында Ресей әскерлерінің Украинадағы айуандық әркеттері, соның ішінде бейбіт тұрғындарға, перзентханаларға тікелей соққылар жасау, сондай-ақ жүздеген мың украиналықтарды зорлықпен Ресейге және өздері басып алған территорияларға алып кету секілді БҰҰ-ның геноцид қылмысын анықтау мен оны жазалау жөніндегі конвенциясының II бабында келтірілген өлшемдерге сай іс-қимылдарға барғаны атап көрсетілген.

Конгресс қарары Палата өкілдерінің немесе Сенат мүшелерінің нақты позициясын білдіреді. Сол себепті оның заңды күші болмайды.

Бұған дейін РФ-ның Украинаға қарсы соғысының геноцид сипатында болып жатқаны жөнінде Польша, Латвия, Эстония, Канада, Литва, Чехия, Ирландия елдері және Украинаның өзі шешім қабылдаған болатын.