×

G7 елдері Ресейден алтын импорттауға тыйым салмақ

Шектеу Ресейдің Украинадағы арнайы операциясы басталғаннан кейін енгізілген санкцияларды толықтырады

 Қанат Атаманов 26.06.2022 | 19:30
Фото: ашық дереккөздерден

АҚШ президенті Джо Байден G7 елдерінің басқа басшыларымен бірлесіп, Ресейден алтын әкелуге тыйым салу туралы келісімге келеді.

Reuters агенттігіне дереккөз берген мәлімет бойынша, АҚШ Қаржы министрлігі сейсенбіде елге жаңа ресейлік алтынды әкелуге тыйым салатын жарлық шығарады. Шектеу Ресейдің Украинадағы арнайы операциясы басталғаннан кейін енгізілген санкцияларды толықтырады.

Германия төрағалығы болатын «Үлкен жетілік» саммиті 26-28 маусымда Баварияда өтеді. Бұған дейін АҚШ Ұлттық қауіпсіздік кеңесінің стратегиялық коммуникациялар жөніндегі үйлестірушісі Джон Кирби G7 басшылары Ресейге қарсы санкцияларды күшейту және оларды әлемдік экономикаға қолдану шығындарын азайту мүмкіндіктерін талқылайтынын мәлімдеді.

Батыс елдері Украинада арнайы операция басталғаннан кейін Ресейге қарсы санкциялық қысымды күшейтті. Мысалы, елдің 300 миллиард долларға жуық резерві бұғатталды. Ресейлік энергия көздерінен бас тартуға шақырулар да күшейді. Дегенмен, бұл Еуропа мен АҚШ-та проблемаларға, ең алдымен азық-түлік пен жанармай қымбаттауына әкелді.

Айта кетсек, біз бұған дейін Германияда G7 саммитінің алдында наразылық шаралары өтіп жатқанын жазған болатынбыз.

Серіктес жаңалықтары

Сараптама

«Иесі қарапайым адам емес...». Өскеменде 6 жасар қызды алабай талап өлтірген

Мамандар оған бұралқы емес, иесі бар иттің шабуылдағанына сенімді
29.01.2023 | 14:05

Ақтаудың іргесінде бірнеше иттің өлексесі жайрап жатыр (ВИДЕО)

Жануарларды қорғаушылар мәселеге облыс әкімдігі мен полиция қызметкерлерінің назар аударуын сұрады
29.01.2023 | 12:35

Украина Қарулы күштері ресейлік 800 сарбазды жойып жіберді

Бахмут, Соледар және Вугледар (Угледар) елді мекендері үшін әлі кескілескен ұрыс қимылдары болып жатыр
29.01.2023 | 11:41