×

Соғыста қаза тапқан жауынгерлердің сүйегі елге жеткізілді

Соғыста қаза тапқан соңғы сарбаз жерленгенге дейін іздеу жалғаса бермек

 Халық үні 25.06.2022 | 18:47
фото: ҚМ баспасөз қызметінен

Қазақстан Қарулы күштерінің әскери борты соғыс жылдарында қаза тапқан жауынгерлер – Николай Гуров, Төлеген Үркербаев және Петр Фоменконың сүйегін Мәскеуден Нұр-Сұлтанға жеткізді, деп хабарлайды Қорғаныс министрлігінің баспасөз қызметі. 

«Сұрапыл соғыстан оралмай, хабар-ошарсыз кеткен сарбаздар мен офицерлердің ұрпақтары әлі күнге дейін бабалары жайлы хабар күтеді. Соғыста қаза тапқан соңғы сарбаз жерленгенге дейін іздеу жалғаса бермек. Біз бірлесіп атқарып жатқан жұмыс жастарға әскери-патриоттық тәрбие беруге, қазақстандық жауынгерлердің жанқиярлығы мен батылдығы туралы тарихты жадымызда сақтауға барынша ықпал етеріне сенімдімін», - деді рәсім барысында Қорғаныс министрі, генерал-полковник Руслан Жақсылықов.

Министр қазақстандық жауынгерлердің сүйегін іздестіруге белсене қатысқандардың бәріне алғыс білдірді.

Төлеген Үркербаев – Алматы облысының Ұзынағаш кентінен, Петр Абрамович Фоменко – Қостанай облысы Алтынсарин ауданының Щербаковка ауылынан, Николай Матвеевич Гуров – Алматы қаласынан екені нақтыланған.

Аталған өңірлерде жауынгерлердің сүйегін қарсы алу, туыстарына беру және әскери құрмет көрсетіліп, қайта жерлеу рәсімдері өтеді.

Айта кетейік, шара ұйымдастырушысы - «Atamnyn Amanaty» қоғамдық бірлестігі. Ол Қазақстаннан ІІ дүниежүзілік соғысқа аттанып, қаза тапқан және хабарсыз кеткен сарбаздардың жерленген жерін анықтау бойынша мұрағаттық-іздестіру жұмыстарымен айналысады.

«Сұрапыл соғыстың басталғанына сексен жылдан астам уақыт өтті. Біздің ұйым бұл ретте мұрағат деректерін жинауда тынымсыз жұмыс істеп келеді. Жеңіс жолында біздің жарқын болашағымыз үшін қаза тапқандардың есімдері анықталып, олар іздеушілермен үнемі байланыста болады», - деді «Atamnyn Amanaty» ҚБ басқарма төрағасы Мұрат Молдағалиев.

Серіктес жаңалықтары

Сараптама

Терроризм туралы жалған ақпарат таратқан 28 адам жауапқа тартылды – ІІМ

Полицейлер заң бұзғандарды анықтау үшін шетелдік құқық қорғау органдарымен бірлесіп жұмыс істейді
03.10.2022 | 17:53

Жамбыл облысында ҰҚШҰ оқу-жаттығуы басталды

Олар 3-7 қазан аралығында болады
03.10.2022 | 17:38

Үкімет халыққа көмірді үйден шықпай-ақ ала алатын жағдай жасамақ

Жергілікті жерлерде тиісті түсіндіру жұмыстарын жүргізу қажет
03.10.2022 | 17:22

Солтүстік Осетия ресейліктердің Грузияға өтуіне кедергі келтірді

Өткізу бекетінде әскерге шақыру қағазын тарататын жедел топтар құрылған
03.10.2022 | 17:17