Еңбекақының 75 пайызға өсетінін Мәдениет және спорт министрі Дәурен Абаевтың министрлікке бағынысты ұйымдар ұжымдарымен кездесуі барысында айтылды. Мәліметке сүйенсек, бүгінде Қазақстанда ұлттық мәртебесі бар 5 мәдени ұйым бар. Олар:

• Мұхтар Әуезов атындағы Қазақ ұлттық драма театры,
• Құрманғазы атындағы Қазақ ұлттық халық аспаптар оркестрі,
• Абай атындағы Қазақ ұлттық опера және балет театры,
• Михаил Лермонтов атындағы Ұлттық орыс драма театры,
• Қазақстан Республикасының Ұлттық кітапханасы.

Осы ұйымдар қызметкерлерінің лауазымдық еңбекақысына жаңа коэффициент қолданылатын болады. Мысалы, 7-10 жылдық еңбек өтілі бар артистер қазір 217 129 теңге алады, ал 1 шілдеден бастап олардың еңбекақысы 379 977 теңге болады, — делінген министрлік ақпаратында.

Сондай-ақ, шара барысында тек еңбекақы ғана емес, алдағы уақытта мәдени нысандардың материалдық-базасын жақсартып, қайта жаңғырту жұмыстары жүретіні де айтылды.