Ұлттық құрама төрт ойыннан кейін бірден он бір сатыға шықты
Футболдан Қазақстан ұлттық құрамасы ФИФА (Халықаралық футбол қауымдастығы федерациясы) рейтингінде 114-орынға көтерілді.
Футболдан Қазақстан ұлттық құрамасының жеңіліссіз сериясы 7 матчқа созылды. Соңғы рет ұлттық құрама 2021 жылдың 14 қарашасында Катарда өтетін футболдан әлем чемпионатының (2022 жылы) іріктеу сынында Франция құрамасынан 8-0 есебімен ойсырай жеңілген еді.
Сол бір жеңілістен кейін Қазақстан құрамасы Тәжікстанмен жолдастық кездесу өткізіп, 1-0 есебімен басым түсті.
Команда тізгінін Магомед Адиев ұстағалы Қазақстан құрамасы 4 матч өткізіп, оның үшеуінде жеңіске жетті. Қазір Ұлттар лигасының С тобында 10 ұпаймен көш бастап, Словакия, Әзербайжан, Беларусь құраламаларынан алда тұр. Қазақстан құрамасы төрт матчта 6 гол салып, қақпасына 2 гол жіберді.
2022 жылдың 23 маусымындағы ФИФА-ның жаңартылған рейтингі:
1. Бразилия — 1838 ұпай
2. Бельгия — 1822
3. Аргентина — 1771
4. Франция — 1765
5. Англия — 1737
6. Испания — 1717
7. Италия — 1714
8. Нидерланды — 1680
9. Португалия — 1679
10. Дания — 1665
..........
51. Словакия — 1440
96. Беларусь — 1227
113. Сьерра-Леоне — 1168
114. Қазақстан — 1166
115. Гвинея-Бисау — 1165
128. Әзербайжан — 1127.