Қазақстандық диджей және саунд-продюсер Иманбек Зейкенов Roses ремиксінің миллиард рет тыңдалғаны үшін Spotify марапатын алды.

Spotify Russia баспасөз қызметінің хабарлауынша, қазақстандық диджей – бұл марапатты ТМД бойынша бірінші болып иеленген адам.

Оның «Roses» атты әнге жасаған ремиксінің тыңдалымы Spotify сервисінде 1,5 миллиардтан асқан.

Иманбек Зейкенов 2020 жылы Saint Jhn есімді атақты рэпердің «Roses» атты әніне ремикс жасап әлемге танылды. Тіпті, сол ремикі үшін Grammy жүлдесін жеңіп алды.

Иманбек – Grammy сыйлығын жеңіп алған алғашқы қазақстандық. Оның ремикс-туындысы YouTube желісінде 203 миллион рет қаралған, 20 аптадан аса уақыт бойы Billboard Hot 100 чартында үздік 10-дықта тұрды.