Петропавл әкімі өз еркімен отставкаға кетті
Болат Жұмабеков үш жылдан астам уақыт шаһарды басқарды
![](https://halyq-uni.kz/cache/imagine/1200/uploads/news/2022/06/22/62b29aabf39a4567032940.jpg)
Петропавл қаласының әкімі Болат Жұмабеков өз еркімен отставкаға кетті. Шаһар басшысы отставкаға кету туралы шешім қабылдағанын әлеуметтік желіде жариялады.
«Үш жыл ішінде біз бірлесіп көптеген сынақтардан өттік: карантин, қаланың жабылуы, қаңтардағы оқиғалар, ТКШ және құрылыс бойынша көптеген мәселелер. Осы кезеңдерде қалалық әкімдіктің барлық командасы өздерін кәсіби жағынан көрсетті.
Әріптестерге, коммуналдық кәсіпорындарға, кәсіпкерлерге, ПИК/Ось төрағаларына, депутаттарға, Қоғамдық кеңес мүшелеріне, БАҚ өкілдеріне, құқық қорғау, денсаулық сақтау және білім беру органдарының қызметкерлеріне, сондай-ақ барлық белсенділерге бірлескен жұмысы үшін жеке алғысымды жеткіземін», - деп жазды.
Болат Жұмабеков 2012 -2013 жылдары аралығында Петропавл қаласының әкімі болып қызмет атқарды. Кейін Қызылжар және Ғабит Мүсірепов атындағы ауданда басшы болды. 2019 жылдың 12 сәуірінен бастап қайтадан облыс орталығына әкім болып тағайындалды.