×

Еуразиялық одаққа сыртқы саясат кедергі келтіріп жатыр

Үкімет басшысы нақты істерге көңіл бөлуді ұсынды

 Дастан Жұмабекұлы 21.06.2022 | 16:21
фото: primeminister.kz

Премьер-министр Әлихан Смайылов Беларусьтің астанасы Минск қаласында өтіп жатқан Еуразиялық үкіметаралық кеңес отырысына қатысып, сөз сөйледі. Шараға Армения, Беларусь, Қырғызстан және Ресей Үкіметтерінің басшылары қатысты.

Бұл туралы Үкіметтің баспасөз қызметі хабарлады.

Министрлер кабинетінің басшысы өз сөзінде бүгінде әлемдік сауданың елеулі өзгерістерге ұшырап отырғанын атап өтті.

«Шиеленістің күшеюі, пандемия дағдарысы, әлемдік сауда-саттық және логистикалық байланыстардың үзілуі, гиперинфляция біздің елдердегі тауар өндірушілерге де, қызмет көрсетушілерге де кері әсерін тигізді. Ерекшелігі сол, дағдарыс ауыртпалығы шағын, орта және ірі бизнес нысандарының барлығына да түсіп отыр», — деді ол.

Оның пікірінше, қазіргідей қиын-қыстау жағдайда өңірлік бірлестіктер туындаған проблемаларды шешуде жетекші рөл атқарады.

Ол жаңа көлік артерияларын құру және дамыту жолымен Еуропа мен Азияның жүктерін ЕАЭО елдеріне тасымалдау және сол елдердің аумағы арқылы тасымалдау уақытын қысқарту мен жеңілдетудің маңыздылығын ерекше атап өтті.

«Жаңа жағдай» Еуразиялық экономикалық одақ қызметін трансформациялауды қажет етеді», -  деген Әлихан Смайылов бұл бағыттағы басым міндеттерді атап көрсетті.

Премьер-министрдің айтуынша, ЕАЭО бизнесті дамыту үшін әлеуеті зор. Алайда бұған көбінесе жетілмеген келісімшарттық база мен елдердің сыртқы сауда саясатындағы кедергілер бөгет жасап отыр.

«Экономикалық бірлестіктің жетістігі оның барлық мүшелерінің іс-әрекетіне байланысты. Өздеріңіз білетіндей, қандай да бір кедергілер тосқауылдың туындауына себеп болады. Еркін нарық –мемлекеттеріміздің экономикасының өсуі мен азаматтардың әл-ауқатын арттырудың маңызды шарты. Сондықтан оны қамтамасыз етуде күш-жігерді біріктіруіміз қажет», –  деді Үкіметінің басшысы.

Сондай-ақ, ол шикізатты және дайын өнімдерді жеткізудегі проблемаларды атап өтті.

«Іс жүзінде өнеркәсіптің барлық салаларында – машина жасау мен жоғары технологиялық салалардан бастап тамақ өнімдері мен медициналық бұйымдар өндірісіне дейін нақты кооперациялық жобалар қажет. Инновациялық және бәсекеге қабілетті өнім жасау үшін нақты жобаларға көңіл бөлуді ұсынамын», –  деді Әлихан Смайылов.

Сонымен қатар Премьер-министр қазақстандық бизнес үшін аса маңызды мәселелердің бірі ЕАЭО-ның барлық аумағы бойынша кедергісіз транзитті қамтамасыз ету екенін атап өтті.

Осыған байланысты ол әріптестерін жеделдетілген және оңайлатылған транзитті, оның ішінде цифрлық технологияларды пайдалана отырып қамтамасыз ету мәселесінде неғұрлым икемді болуға шақырды.

«ЕАЭО мүшелері Бірлестіктің негізгі қағидаттарына беріктігін сақтаған жағдайда, қазіргідей қиын кезеңде еуразиялық экономикалық интеграцияның барлық қатысушылары үшін тиімді болатынына сенімдімін. Бұл ретте барлық елдерге тиімді болатын даму жолына түсуі үшін ұлттық мүдделер мен интеграциялық процестер арасындағы теңгерімді табу қажет», –  деді Әлихан Смайылов.

Серіктес жаңалықтары

Сараптама

Павлодар қаласының әкімі өзінен 10 мың теңге сұраған студентке жауап берді

Әкім студентке 10 мың теңге беруге уәде етті
25.09.2022 | 08:55

«Бейнекамераға түсірмеуді өтінді»: Атырауға бір топ ресейлік келді

Пойыздан түскендердің ішінде астрахандық қазақтар да бар: 
25.09.2022 | 07:40

Алматылық әйелдің шотынан 5 мың доллар шешіп алған екі жігіт видеоға түсіп қалған

Банк қызметкерлері әйелге хабарласып, шотынан 5 мың доллардан астам қаражат шешілгенін айтқан
25.09.2022 | 06:30

Синоптиктер келесі аптада елордада қар түсетінін хабарлады

29 және 30 қыркүйекте күндіз 8 градусқа дейін жылынады, түнде алғашқы аяз түседі
25.09.2022 | 00:33