×

Полиция Армения нөмірімен жүрген көлік жүргізушілеріне ескерту жасады

Қазіргі таңда Армениядан әкелінген көлікті тіркеу құны 13 мың теңгеден аспайды

 Халық үні 17.06.2022 | 18:47
фото: ашық дереккөзден

Қазақстан полициясы Армениядан әкелінген көлікті тіркеу шараларының аяқталуына он ай қалғанын ескертті. 

Айта кетейік, Қазақстан азаматтарына тіркелген және 2020 жылдың 1 ақпанына дейін әкелінген көлікті жеңілдетілген тәртіппен есепке қоюға рұқсат берілген. Биыл наурыз айында Армениядан келген көліктерді тіркеу мерзімі 2023 жылдың 1 наурызына дейін ұзартылды. Себебі коронавирус пандемиясы кезінде шектеу шаралары көп болып, көлікті елден шығару жағынан қиындық туындаған.

«Осылайша, бүгінде Арменияда тіркелген және 2020 жылдың 1 ақпанына дейін Қазақстанға әкелінген көлік иелеріне өз автомобильдерін есепке қою мәселесін шешу үшін 10 айдан аз уақыт қалды», - дейді полицейлер.

Қазіргі таңда Армениядан әкелінген көлікті тіркеу құны 13 мың теңгеден аспайды. Ал рөлі оң жақтан сол жаққа ауыстырылған көлікке арнайы куәлік алу керек. Оны аккредитациядан өткен ұйымдар береді. Олар:

«ҒЗО «Алматы-Стандарт» ЖШС, Алматы қ., Алатау ауданы, Мәдениет ш / а., Сүйінші к-сі, 1 үй, тел. (8-727)317-05-31;

«Ұлттық сараптама және сертификаттау орталығы» АҚ Қостанай филиалының сынақ орталығы, Қостанай қ., Гоголь к-сі, 79А үй, тел. (87142)54-29-37, 57-05-64, 52-20-66;

«Ұлттық сараптама және сертификаттау орталығы» АҚ Батыс Қазақстан филиалының сынақ бөлімі, Орал қ., Гагарин к-сі, 23 үй, Молдағұлова к-сі, 23/1 үй, тел. (8-7112) 23-97-45;

«Ұлттық сараптама және сертификаттау орталығы» АҚ Солтүстік Қазақстан филиалы, Петропавл қаласы, 2-ші Первомайская көшесі, 9-үй, тел. (8-7152)52-03-60.

Ресми статистикаға сәйкес, Шығыс Қазақстан облысында ғана 196 автомобиль тіркелген. Соның ішінде 50 көліктің рөлі сол жаққа ауыстырылған.

«Тіркелгеннен кейін иелеріне көлікті Қазақстанда тіркеу туралы ұлттық куәлік және сары түстегі мемлекеттік нөмір беріледі. Сонымен қатар, Армениядан тіркелген автомобильдерді пайдалану мерзімі шектелмейді. Автомобиль иесі оны иеліктен шығару құқығынсыз пайдалану мерзімі туралы шешім қабылдауға құқылы», - деп атап көрсетті мамандар.

Серіктес жаңалықтары

Сараптама

Денсаулық сақтау министрлігі электронды темекі саудасына толық тыйым салмақ

Сарапшылар оған тосқауыл қоюдың басқа жолын табу қажет деп отыр
03.12.2022 | 09:50

Заманбек Нұрқаділовтің бұрын-сонды еш жерде жарияланбаған видеосы шықты

Бұл видео «Хабар» агенттігінің архивиінде сақталған
03.12.2022 | 07:34

Қарағанды ​​облысында автобус күтіп тұрған оқушының беті үсіп қалған

Абай аудандық білім бөлімі оқиғаны растады
03.12.2022 | 06:30

«Мама, мені күтпеңіз»: Бес баланы қаққан жүргізушінің анасы оқиғаның мән-жайын айтып берді

Мектеп автобусынан түскен бес оқушыны Lexus көлігі қатты жылдамдықпен соққан
03.12.2022 | 00:15