×

«Бурабай» ұлттық паркі мен Марқакөл қорығы ЮНЕСКО-ның жаһандық желісіне қосылды

Қазақстандағы ЮНЕСКО биосфералық резерваттарының ұлттық желісіне 15 объекті енгізілген

 Қанат Атаманов 16.06.2022 | 20:00
Фото: inform.kz

Ақмола облысындағы «Бурабай» мемлекеттік ұлттық табиғи паркі және Марқакөл мемлекеттік табиғи қорығы ЮНЕСКО-ның биосфералық резерваттарының жаһандық желісіне қосылды. Бұл туралы ҚР Сыртқы істер министрлігінен мәлім етілді.

Ақпаратқа сәйкес, 13-17 маусым аралығында Парижде өтіп жатқан «Адам және биосфера» ЮНЕСКО бағдарламасының Халықаралық үйлестіру кеңесінің (MAБ-ХҮК) 34-ші сессиясы шеңберінде «Бурабай» мемлекеттік ұлттық табиғи паркін (Ақмола облысы) және Марқакөл мемлекеттік табиғи қорығын (Шығыс Қазақстан облысы) ЮНЕСКО-ның биосфералық резерваттарының жаһандық желісіне қосу туралы шешім қабылданды.

Сессия жұмысына Қазақстан Республикасының ЮНЕСКО және ИСЕСКО істері жөніндегі Ұлттық комиссиясы, Қазақстан Республикасының ЮНЕСКО жанындағы Тұрақты өкілдігінің дипломаттары, «Адам және биосфера» жөніндегі ұлттық комитеттің төрағасы Роман Ященко және оның орынбасары Виктория Ильина қатысты. Президенттің Іс басқарушысы Айбек Дәдебаев бұл мәртебе қандай артықшылықтар беретінін айтып өтті.

Жаңа мәртебе қоршаған ортаны қорғау мәселелері бойынша халықаралық шешімдер қабылдауға қатысуға, зерттеу және қолданбалы жұмыстарды дамытуға, экологиялық оқу-ағарту мен мамандарды даярлаудың негізін қалыптастыруға мүмкіндік береді, - деді Айбек Дәдебаев.

Айта кетейік, бүгінгі таңда Қазақстандағы ЮНЕСКО биосфералық резерваттарының ұлттық желісіне 15 объекті енгізілген. Ал дүниежүзілік биосфералық резерваттар желісіне әлемнің 131 елінің аумағында орналасқан 738 биосфералық резерват кіреді.

Серіктес жаңалықтары

Сараптама

Манту орнына БЦЖ: министр екпеден зардап шеккен балалардың ата-аналарымен кездесті

Балалар қысқы демалыста «Бурабай» санаторийінде сауықтырудан өтеді
01.12.2022 | 16:16

«Мақсатымыз – эмоционалдық қолдау»: Кез келген адам балалар үйінде тәлімгер бола алады

Қазақстанда 4 мыңнан астам бала жетімдер үйінде тәрбиеленіп жатыр
01.12.2022 | 16:06

Иранда ереуілшілер өз футболшыларының жеңіліп қалғанын тойлады

Халық билікке қарсылығын осылайша білдіріп отыр
01.12.2022 | 15:58