Талғар әкімі сайлауы нәтижесі жарияланды. Соған сәйкес, ең көп дауыс жинаған Арыстанбек Абилхаирұлы әкім болып сайланды.

Айта кетейік, сайлаушылар тізіміне 42 774 азамат енгізілді. Дауыс беруге – 12 875 сайлаушы қатысты.

Жалпы 3 адам әкімдікке үміткер ретінде тіркелді:

• Абилхаирұлы Арыстанбек 9071 дауыс жинады;
• Жәнібек Каденов үшін сайлаушылардың 1875-і дауыс берген;
• Әлібек Рамазановқа 1140 азамат дауыс берді.

«Барлығына қарсы» белгісі бар бюллетеньдер саны - 182.

Сайлау қорытындысы бойынша Талғар қаласының әкімі болып Абилхаирұлы Арыстанбек сайланды, - делінген ресми ақпаратта.

Ол 1983 жылы туған, «Талғар тұрғын үй» ЖШС -нің директоры, Талғар қаласының тұрғыны.