Талғардың бұрынғы әкімі Бақыт Күрішбеков 15 қазанда кәмелетке толмаған Шерзат Полаттың өліміне қатысты қызметінен босатылған еді. Ал бүгін Талғарда қаланың жаңа әкімін сайлау жүріп жатыр, деп хабарлайды Halyq Uni.

Аумақтық сайлау комиссиясының мәліметінше, сайлау 26 сайлау учаскесінде сағат 7:00-ден 20:00-ге дейін өтеді. Талғарда барлығы 42 мың 774 сайлаушы тіркелген.

Талғар қаласының әкімі лауазымына қазір мына 3 үміткер таласып жатыр:

• Арыстанбек Әбілқайырұлы, 41 жаста, АMANAT партиясының кандидаты. Талғар қаласы, «Талғар Тұрғын үй» ЖШС басшысы;
• Кәденов Жәнібек Жанболатұлы, 33 жаста, Халық партиясының кандидаты. «Талғар ауданы әкімінің аппараты» ММ қаржы-шаруашылық бөлімінің бас маманы, Талғар қаласы;
• Рамазанов Әлібек Ғайсаұлы, 42 жаста, өзін-өзі ұсынған кандидат. «Бесағаш ауылдық округі әкімінің аппараты» ММ, Талғар ауданы әкімінің орынбасары.