Жетісу облысында қар құрсауында қалғандар құтқарылды
Жүргізушілерге ескерту жасалды
Фото: Halyq Uni
Жетісу облысында ТЖМ құтқарушылары қар құрсауында қалған автокөліктен 3 адамды эвакуациялады, деп хабарлайды Halyq Uni.
Ақпаратқа сәйкес, бүгін түнде Алакөл ауданында 113 шақырымдағы Үшарал-Достық автожолында қар құрсауында жеңіл автокөлік тұрып қалған.
ТЖМ құтқарушылары жол талғамайтын Трэкол автокөлігімен көмекке асықты. Оқиға орнына жетіп, үш адамды Алакөл ауданының Достық станциясына эвакуациялады, – делінген хабарламада.
Ведомство өкілдері жүргізушілерге ауа райын қадағалап, мүмкіндігінше алыс қашықтықтарға барудан бас тартуға кеңес береді.
