Абай облысында заңсыз алтын өндірумен айналысқан топ ұсталды, деп хабарлайды Halyq Uni.

Полиция қызметкерлерінің мәліметінше, Жарма ауданындағы шахта аумағынан құрамында алтыны бар кенді ұрлаумен айналысқан қылмыстық топтың қызметі тоқтатылды.

Жедел-іздестіру шаралары барысында полиция қызметкерлері қылмыстық топтың ізіне түсіп, 4 ер адамды ұстады. Олардан металл іздейтін құрылғылар, респираторлар, кен тасуға арналған қаптар және шамамен құрамында 3 келі алтыны бар кен табылып, тәркіленді, – делінген хабарламада.

Келтірілген жалпы шығын 3 миллион теңгеден асты.

Аса ірі көлемдегі ұрлық фактісі бойынша сотқа дейінгі тергеу басталды.