Жемқорлықпен күресуші Дидар Смағұлов АҚШ-тың беделді сыйлығына ие болды

Қымбат Елтайқызы

Жағымды жаңалықты өзі жеткізді

фото: FB Дидар Смағұлов

Жемқорлықпен күресуші, «Әділдік жолы» РҚБ басшысы Дидар Смағұлов Америка Құрама Штаттарының беделді сыйлығын иеленді, деп хабарлайды Halyq Uni.

Ол бұл туралы әлеуметтік желідегі парағында мәлімдеді.

Anti-Corruption Champions Awards 2024! Менің Америка Құрама Штаттарына сапарымның негізгі себебін айтатын уақыт келді.

Мен АҚШ-тың Мемлекеттік департаменті сыбайлас жемқорлыққа қарсы күрес саласындағы жетістіктері үшін табыстайтын жоғары халықаралық награданың 10 номинантының бірі болу құрметіне ие болдым. Сыйлықты Мемлекеттік хатшы Энтони Блинкен табыс етті.

Әсіресе, бұл сыйлықты Қазақстанда сыйбайлас жемқорлық деңгейін азайту жөніндегі тиімді әрі жүйелі реформаларды енгізгені, сондай-ақ жемқорларды жауапқа тарту бойынша жұмыс үшін бергеніне қуаныштымын. Бұл ұжымдық сыйлық деп есептеймін. Себебі көптеген нәтиженің артында @adildikjoly командамның үлкен және жанқиярлық еңбегі тұр, – деп жазды Cмағұлов.

Бұған қоса, ол осы нәтижеге үлес қосқан азаматтарға, отбасына, АҚШ халқы мен үкіметіне алғыс айтты.