Синоптиктер демалыс күндеріне арналған ауа райы болжамын жариялады, деп хабарлайды Halyq Uni.

«Қазгидромет» РМК мәліметінше, республиканың басым бөлігінде ауа райын Солтүстік циклонның терең жырасы айқындайды.

Ауа-райы тұрақсыз болады. Шығыста қатты қар жауады, бұрқасын күтіледі, оңтүстік өңірлерде жаңбыр соңы қарға ұласады. Таулы аудандарда қатты жауын-шашын болады, - деп жазылған хабарламада.

Шығыс, оңтүстік және орталықта көктайғақ болады. Батыс пен солтүстік-батыста кең ауқымды Скандинавиялық антициклонның әсерінен жауын-шашынсыз ауа райы күтіледі.

Ауа температурасы түнде батыста минус 5-13 градус аязға дейін, солтүстік-батыста минус 13-25 градус аязға дейін, солтүстікте минус 20-25 градус аязға дейін, Қазақстанның орталығында минус 15-28 градус аязға дейін, шығыста минус 18-26 градус аязға дейін, оңтүстік және оңтүстік-шығыста минус 8-21 градус аязға дейін төмендейді, - деп жазылған хабарламада.