«Беташар» салты ЮНЕСКО-ның мәдени мұрасы тізіміне енді. Бұл туралы мемлекеттік кеңесші Ерлан Қарин мәлімдеді, деп хабарлайды Halyq Uni.

Жаңа ғана Парагвай астанасы Асунсьонда ЮНЕСКО-ның Материалдық емес мәдени мұраны қорғау комитетінің отырысында қазақтың ежелгі салттарының бірі «Беташар» Адамзаттың материалдық емес мәдени мұрасының Репрезентативтік тізіміне енгізілді, – деп жазды Ерлан Қарин.

Wikipedia ақпаратына сүйенсек, ЮНЕСКО Әлемдік мұра тізімінде Қазақстанның 6 нысаны бар. Үш нысан тізімге мәдени талаптар бойынша енгізілсе, тағы үшеуі табиғи талаптар бойынша іліккен. Атап айтқанда:

• Қожа Ахмет Ясауи кесенесі;
• Таңбалы тас петроглиф кешені;
• Сарыарқа - Солтүстік Қазақстан даласы мен көлдері;
• Жібек жолы бойындағы көне қалалар (Ақтөбе, Ақыртас, Қарамерген, Қойлық, Қостөбе, Құлан, Өрнек, Талғар);
• Батыс Тянь-Шань (Қаратау қорығы, Ақсу-Жабағлы қорығы, Сайрам-Өгем ұлттық паркі);
• Алтынемел ұлттық паркі және Барсакелмес қорығы.