Бұл үлкен жетістікке жол ашады
Ресей президенті Владимир Путин Мәскеу мен Астана арасындағы ықпалдастық барлық бағыт бойынша белсенді өрбіп келе жатқанын мәлімдеді, деп хабарлайды Ақорда.
Ол Қазақстан Ресей Федерациясының стратегиялық серіктесі және сенімді одақтасы екенін атап өтті.
Шағын құрамдағы келіссөз барысында екіжақты байланыс аясында туындайтын проблемаларға назар аудардық. Ең бастысы, барлық сауалдың жауабын табуға ортақ ұмтылыс бар. Мен екі ел арасында шешілмейтін түйткіл жоқ екенін жақсы білемін. Ал мұндай ниеттестік үлкен жетістіктерге ұласады. Сіздің басшылығыңызбен Қазақстан толайым табыстарға қол жеткізді. Біз бұған қуаныштымыз. Өйткені екіжақты ынтымақтастықтың ауқымы артып келеді. Қазіргі қиындықтарға қарамастан ықпалдастығымыз кеңеюде әрі қос тарапқа да тиімді, – деді Владимир Путин.
Келіссөз барысында сауда-экономика, көлік-логистика, отын-энергетика, ғылыми-техникалық және мәдени-гуманитарлық салалардағы ынтымақтастықтың кең ауқымды мәселелері талқыланды.