Учаскені бүгін түстен кейін ашу жоспарланып отыр
Ақтөбе облысында 90 шақырымға жуық жолда көлік қозғалысын шектеу қойылады, деп хабарлайды Halyq Uni.
Бүгін сағат 08:00-де Ақтөбе облысында 89 шақырым автожолда орналасқан теміржол өткеліндегі рельстерді ауыстыру жоспарланған. Осыған байланысты «Қарабұтақ-Комсомольский-Денисовка-Рудный-Қостанай» автожолының 83-198 шақырым аралығында (Темірбек Жүргенов ауылынан Айке ауылына дейін) жүк және қоғамдық көлік түрлерінің қозғалысына шектеу қойылады.
Жолды бүгін сағат 14:00-де ашу жоспарланған.
1403 байланыс орталығына хабарласып, тәулік бойы қосымша ақпарат алуға болады.