Басты бет Жаңалықтар Тоқаев қорғаныс министріне арнайы операция күштерін дамытуды тапсырды

Тоқаев қорғаныс министріне арнайы операция күштерін дамытуды тапсырды

Қымбат Елтайқызы

Өз кезегінде, Жақсылықов президентке есеп берді

фото: akorda.kz

Мемлекет басшысы қорғаныс министрі Руслан Жақсылықовты қабылдады, деп хабарлайды Halyq Uni.

Ақорда мәліметінше, министр қорғаныс ведомствосының биылғы атқарған қызметі туралы есеп берді.

Жақсылықов:

  • бөлімшелердің жауынгерлік дайындығы мен қарулы күштер қатарына күзгі шақыру науқанының нәтижелері, сондай-ақ әскери қызметтегі тәртіп пен қауіпсіздікті нығайтуға, әскери қызметшілердің әлеуметтік мәртебесі мен жалақысын арттыруға бағытталған шаралар жөнінде баяндады;
  • армияның жауынгерлік әлеуетін кезең-кезеңімен көтеру және әскерді даярлаудың жаңа тәсілдеріне көшу мәселелеріне айрықша назар аударылғанын айтты;
  • мемлекеттік қорғаныс тапсырысының орындалу барысын жеткізіп, әскердің қару-жарақ пен техниканың жаңа үлгілерімен, атап айтқанда, ұшқышсыз басқарылатын авиациялық жүйелерімен, радиоэлектрондық күрес кешендерімен жарақтандырылып жатқанын хабардар етті.

Қасым-Жомарт Тоқаев еліміздің бітімгерлік контингентінің БҰҰ аясында Голан жоталарында атқарып жатқан қызметі маңызды екенін атап өтті.

Кездесу соңында президент – Қазақстан Қарулы күштерінің Жоғарғы бас қолбасшысы министрге отандық қорғаныс кәсіпорындарымен өзара ықпалдастықты жандандыру, аумақтық қорғаныс пен арнайы операция күштерін дамыту, әлеуметтік-құқықтық жұмысты күшейту жөнінде нақты міндеттер жүктеді.