Жамбыл облысында «Танта баба» мешітінің имамы зейнеткерден қомақты қаражат алып, қайтармай кеткен, деп хабарлайды Halyq Uni.

Әлеуметтік желіде имамның зейнеткерді қажылыққа жіберуге уәде беріп, алдын ала алған 3 мың долларын қайтармай қойғаны туралы ақпарат тарады. Осылайша, ол зейнеткерді қажылық сапарға жібермеген.

Orda.kz тілшісі Жамбыл облысы әкімдігінің дін істері басқармасына, прокуратураға және ҚМДБ-ның облыстық филиалына түсінік беру туралы хат жазған.

Прокуратураның мәліметінше, бұл іс бойынша арыз жазылып, ҚР ҚК-нің 190-бабы («Алаяқтық») бойынша қылмыстық іс қозғалған.

Ал ҚМДБ-ның облыс бойынша өкілі ақсақалдан және оның туыстарынан кешірім сұрады.

21 қарашада имамның қаражатты толық көлемде қайтарғаны белгілі болды.