Астанада түнде жаяу бұрқасын, көктайғақ күтіледі
«Қазгидромет» РМК синоптиктері 22 қарашада Қазақстанның 19 өңірінде қолайсыз ауа райына байланысты ескерту жасады, деп хабарлайды Halyq Uni.
Қызылорда облысының орталығында, солтүстігінде тұман күтіледі. Жел солтүстік-шығыстан, шығыстан соғады, таңертең және күндіз облыстың орталығында, оңтүстігінде күші 15-20 м/с күтіледі.
Түркістан облысының оңтүстігінде, батысында, солтүстігінде, таулы және тау бөктерлі аудандарында тұман күтіледі. Солтүстік-шығыстан жел соғады, таңертең және күндіз облыстың батысында, солтүстігінде, таулы және тау бөктерлі аудандарында күші – 15-20 м/с.
Шымкентте түнде тұман күтіледі. Солтүстік-шығыстан жел соғады, күндіз екпіні – 15-20 м/с.
Жамбыл облысының таулы аудандарында көктайғақ күтіледі. 22-24 қарашада облыстың оңтүстігінде, таулы аудандарына тұман түcеді. 22-24 қарашада солтүстік-шығыстан жел соғады. Облыстың оңтүстік-батысында, солтүстік-шығысында, таулы аудандарында екпіні – 23-28 м/с.
Қостанай облысының солтүстігіне, шығысына, оңтүстігіне тұман түседі.
Маңғыстау облысында оңтүстік-шығыстан жел соғады, облыстың батысында, солтүстігінде, орталығында екпіні 15-20 м/с күтіледі.
Астанада түнде жаяу бұрқасын, көктайғақ күтіледі. Түнде және таңертең тұман күтіледі.
Павлодар облысының батысында, оңтүстігінде жаяу бұрқасын күтіледі. Солтүстік-батыстан жел соғады, түнде облыстың батысында, оңтүстігінде екпіні – 15-20 м/с.
Абай облысында бұрқасын күтіледі. Облыстың батысында, солтүстігінде, орталығында көктайғақ. Түнде және таңертең облыстың оңтүстігінде тұман болады. Оңтүстік-батыстан соғатын жел солтүстік-батысқа ауысады, облыстың батысында, солтүстігінде, орталығында екпіні – 15-20 м/с.
Шығыс Қазақстан облысының солтүстігінде, шығысында кей уақытта қалың қар күтіледі. Бұрқасын. Облыстың батысында, солтүстігінде көктайғақ. Түнде және таңертең шығысына тұман түседі. Оңтүстік-батыстан соғатын жел солтүстік-батысқа ауысады. Облыстың батысында, солтүстігінде – 15-20 м/с.
Батыс Қазақстан облысының солтүстігінде, шығысында тұман күтіледі. Жел оңтүстік-шығыстан соғады, облыстың батысында, оңтүстігінде, солтүстігінде екпіні – 15-20 м/с.
Ақтөбе облысының шығысына, оңтүстігіне тұман түседі.
Алматы облысының оңтүстігінде, батысында, таулы аудандарында кей уақытта тұман, жолдарда көктайғақ күтіледі. Солтүстіктен жел соғады, облыстың батысында кей уақытта екпіні – 18 м/с.
Алматыда түнде және таңертең тұман, жолдарда көктайғақ күтіледі.
Атырау облысында оңтүстік-шығыстан жел соғады, екпіні – 15-20 м/с.
Қарағанды облысының солтүстігінде, шығысында жаяу бұрқасын күтіледі. Облыстың батысында, солтүстігінде тұман. Солтүстік-батыстан жел соғады, түнде солтүстігінде, шығысында екпіні – 15-20 м/с.
Ұлытау облысының солтүстігіне, шығысына, орталығына тұман түседі.
Солтүстік Қазақстан облысының оңтүстік-шығысында жаяу бұрқасын күтіледі. Облыстың солтүстігіне, оңтүстігіне тұман түсуі ықтимал. Оңтүстік-батыстан жел соғады, түнде оңтүстік-шығысында екпіні – 15-20 м/с.
Ақмола облысының оңтүстігінде, шығысында жаяу бұрқасын, көктайғақ күтіледі. Түнде және таңертең облыстың батысына, солтүстігіне, оңтүстігіне тұман түсуге тиіс. Солтүстік-батыстан соғатын жел оңтүстік-батысқа ауысады, түнде облыстың шығысында екпіні – 15-20 м/с.