Украина президенті Владимир Зеленский кеңсесі басшысының кеңесшісі Михаил Подоляк Киев Ресеймен келіссөз жүргізбейді және қақтығысты тоқтату үшін өз аумақтарынан бас тартпайды деп мәлімдеді, деп хабарлайды Halyq Uni.

Ресей Федерациясы қандай да бір келіссөз процесіне қатысуға ниетті емес. Олар ультиматум талап етуді жалғастырып жатыр. Яғни Украина өз территориясынан ғана емес, егемендігінен айырылуы керек. Біз оқыған материалдардың 98%-ы Украинаны мәжбүрлеуге, қандай да бір талаптарға негізделген және біздің ойымызша бұл ақылға қонымсыз, - деді Подоляк New Voice радиосында.

Зеленский де бұған дейін Guardian газетіне берген сұхбатында Ресеймен келіссөздің «шынайы емес» екенін айтып, одан бас тартқан болатын.