Төтенше жағдайлар министрлігі ескерту жариялады, деп хабарлайды Halyq Uni.

2024 жылдың 13-15 қараша аралығында Үлкен және Кіші Алматы су алаптарында қатты жауын-шашынның түсуіне байланысты қар көшкіні жүруі мүмкін, деп мәлімдеді ведомство.

ТЖМ көшкін жүру қаупі мүмкін болуына байланысты қауіпсіздік шараларын сақтауды сұрайды.

Мамандар таудағы қауіпсіздік ережелерін еске салады:

• Маршрутыңызды егжей-тегжей зерттеңіз.
• Қар көшкіні, сел қаупі бар жерлерден аулақ болыңыз, әсіресе қатты жауын-шашыннан кейін.
• Жақындап келе жатқан сел ағынының шуын естігеннен кейін бірден 50-100 метр жоғары көтерілу керек.
• Қар көшкіні мен сел өмірге қауіп төндіретін үлкен салмақты тастарды ұшыратуы мүмкін.
• Әрқашан есіңізде болсын, қар көшкіні әрі сел ағынынан тек қашу арқылы құтылуға болады.
• 112 бірыңғай нөмірінен ескертулерді қадағалаңыз, қар көшкіні және сел қаупі төнген жағдайда тауға баруды кейінге қалдырыңыз.