Шығыс Қазақстан облысында көлік қозғалысына шектеу қойылды. Бұл туралы ҚазАвтоЖол мәлімдеді, деп хабарлайды Halyq Uni.

10 қараша сағат 17:00-де ШҚО-да ауа райының бұзылуына байланысты автожолдарда жүк және жолаушы көліктердің қозғалысына шектеу қойылады:

• «Алматы-Өскемен-Шемонаиха-РФ шекарасы» автожолының 1123-1191 шақырымы аралығы (Предгорное ауылынан Шемонаиха қаласына дейін);
• «Алматы-Өскемен-Шемонаиха-РФ шекарасы» автожолының 1194-1212 шақырымы аралығы (Шемонаиха қаласынан РФ шекарасына дейін);
• «Өскемен-Риддер- РФ шекарасы» автожолының 15-105 шақырымы аралығы (Белоусовка ауылынан Риддер қаласына дейін).

Жолды 11 қараша сағат 06:00-де ашу жоспарланған.

Айта кетейік, бұған дейін Абай облысында ауа райының бұзылуына байланысты «Алматы-Өскемен» автожолының 683-967 шақырым аралығында қозғалысқа шектеу қойылды.