Ақтөбеде полиция жол ережесін 308 рет бұзған 35 жастағы жүргізушіні анықтады, деп хабарлайды Halyq Uni.

Патрульдік полиция батальонының қызметкерлері «Қорғау» жүйесі арқылы шетелде тіркелген ВАЗ-2114 көлігін тоқтатты. 35 жастағы жүргізуші қалада жылдамдық ережесін сақтамай, заңды жиі бұзған.

Жиналған айыппұлдың жалпы сомасы – шамамен 11,5 млн теңге. Автомобиль арнайы тұраққа қойылды.

Қазақстандықтарды заң мен тәртіпті сақтауға шақырамыз! Шетелдік нөмірі бар кейбір жүргізушілер жазадан құтыламыз деп үміттенеді. Алайда полиция оларды анықтап, жауапқа тартады, - деп жазылған ІІМ таратқан хабарламада.