Ақтөбе облысы Денсаулық сақтау басқармасы тікұшақ апатынан зардап шеккендердің жағдайы туралы ақпаратты жариялады, деп хабарлайды Halyq Uni тілшісі.

Қорғаныс министрлігінің болжамынша, тікұшақ техникалық ақау салдарынан құлаған.

Апаттан зардап шеккен 2 адамның жағдайы орташа ауыр. Олар есін біледі. Сұрақтарға жауап беруде, - деп жазылған хабарламада.

Бортта болған үш адамның біреуі 103 қызметінің көлігі келгенге дейін көз жұмған.

Ақтөбеде науқастарды әуежайдан екі жансақтау бригадасы күтіп алды. Түрлі дене жарақатын алған (омытрқаның, аяқ-қолдың сынуы) 2 адам ауруханаға жеткізілді. Бүгінде зардап шеккендер жансақтау бөлімінде жатыр, диагностика жүргізілуде, - деп жазылған хабарламада.