Басты бет Жаңалықтар 2025 жылы 8 медициналық анықтама электронды түрде беріледі

2025 жылы 8 медициналық анықтама электронды түрде беріледі

Дәурен Ерболат

Медициналық мекемелер жалған анықтама жасай алмайды

Фото: РИА Новости/Павел Бедняков

Келесі жылы 8 медициналық анықтама электронды түрде беріледі, деп хабарлайды Halyq Uni.

Денсаулық сақтау министрлігінің мәліметінше, 2025 жылдан бастап 8 медициналық анықтама цифрлық форматқа ауыстырылады. Оның ішінде еңбекке уақытша жарамсыздық парағы және еңбекке уақытша жарамсыздық туралы анықтама тек электрондық түрде беріледі. Нәтижесінде қазақстандықтарға өзімен бірге қағаз анықтаманы алып жүрудің қажеті болмайды.

Цифрлық форматқа ауысқан соң медициналық ұйымдар жалған анықтамалар жасай алмайды, - деді денсаулық сақтау вице-министрі Ербол Оспанов.

Электронды форматқа ауыстырылатын анықтамалар келесідей:

  • Еңбекке уақытша жарамсыздық парағы;
  • 075 / е «Медициналық анықтама»;
  • 026 / е «Дәрігерлік-консультациялық кеңес қорытындысы»;
  • 073 / е «Көлік тізгіндеуге рұқсат туралы анықтама»; 
  • 069 / е «Санаторийлік-курорттық карта»;
  • 052-2 / е «Баланың денсаулық паспорты»;
  • 076 / е «Қаруға рұқсат алу»;
  • 038 / е «Еңбекке уақытша жарамсыздық туралы анықтама.