Трансшекаралық өзендер мәселесі бойынша 28 кездесу өткізілді
Жыл басынан бері Жайық өзені арқылы Каспий теңізіне 16,7 млрд текше метр су жіберілді, деп хабарлайды Halyq Uni.
Жайық өзенінің орташа көпжылдық ағыны – 9,46 текше шақырым. Бірақ биыл су көлемі орташа жылдық нормадан асып түсті.
Өзендегі су ағыны Ресейдегі Ириклин су қоймасынан жіберілген су көлеміне байланысты қалыптасады.
Жыл басынан бері министрлік өкілдері Ресей, Қытай және Орталық Азия елдерінен келген әріптестерімен трансшекаралық өзендер мәселесі бойынша 28 кездесу өткізді. Су тасқыны кезеңінде су көлемін реттеу бойынша келіссөздер күшейтілген режимде жүргізіледі, - деді Су ресурстары және ирригация министрлігінің ресми өкілі Мөлдір Әбдуәлиева.