Полиция оқиғаның мән-жайын анықтап жатыр
Степногор қаласында Audi көлігі жүріп бара жатқан локомотивке соғылып, 3 адам қаза тапты, деп хабарлайды Halyq Uni.
Instagram-дағы Nayzakokshe парақшасының мәліметінше, көлік апаты салдарынан Audi жүргізушісі мен 2 жолаушы көз жұмған. Олар – Жамбыл облысының тумасы, бәрі қаладағы ЖЭС-та дәнекерлеуші болып жұмыс істеген.
25 жастағы автомобиль жүргізушісі оқиға орнында көз жұмды. Көлікте отырған 2 адам ауыр жарақатпен қалалық ауруханаға жатқызылды. Осыған қарамастан 39 және 19 жастағы жолаушылар жансақтау бөлімінде қайтыс болды.
Сондай-ақ тағы 3 жолаушы түрлі дене жарақатын алған: мидың шайқалуы, иық пен оң жамбастың сынуы, бастағы қысымның көтерілуі, іш жарақаты, екі жамбастың сынуы, - деп жазылған хабарламада.