Астана қаласының мәдениет басқармасы тарихи-мәдени мұраны сақтау мақсатында Есіл өзенінің жағасында орналасқан Кенесары хан ескерткішін 2024-2025 жылдары қайта жаңарту жоспарланғанын мәлім етті, деп хабарлайды Halyq Uni.

Ғылыми-техникалық зерттеу нәтижелеріне сәйкес, нысан апатты деп танылған. Оның іргетасының құлау қаупі бар.

Жаңартылғаннан кейін ескерткіш 2025 жылдың көктемінде орнына қайтарылады, - делінген хабарламада.

Жаңарту мына жұмыстарды орындауды қамтиды:

• мүсінді қалпына келтіру;
• тұғырды және оған іргелес аумақты жаңғырту;
• бұрғылау үйіндісін орнату;
• құрылымды кейін монтаждау және тұғырды қаптау материалымен әрлеу.