Алматы облысында 19 адам эвакуацияланды
Құтқарушылар өртті толығымен сөндірді
Фото: Halyq Uni
Алматы облысында пәтердегі өрт кезінде 19 тұрғыны эвакуацияланды, деп хабарлайды Halyq Uni.
ТЖМ мәліметінше, Шамалған ауылында төртқабатты тұрғын үйдің 2-қабатындағы балкон мен пәтер өртеніп, от үшінші қабаттағы балконға ауысқан.
Оқиға орнына барған өрт сөндірушілер 19 тұрғынды, оның ішінде 5 баланы баспалдақ маршымен эвакуациялады. Сондай-ақ, өрттен 1992 жылы туған қыз құтқарылды, – делінген хабарламада.
Құтқарушылар өртті толығымен сөндірді. Зардап шеккендер жоқ.
ТЖМ азаматтардан өрт қауіпсіздігі ережелерін сақтауды сұрайды.
