Астанада мерекелік отшашуды 10 мыңнан аса адам тамашалады
Іс-шара демеушілердің қаржысы есебінен ұйымдастырылды
Фото: елорда әкімдігінің баспасөз қызметі
Елордада Республика күніне орай ұйымдастырылған отшашуды 10 мыңнан аса адам тамашалады, деп хабарлайды Halyq Uni.
Қалалық әкімдіктің мәліметінше, фейерверк 25 қазан кешкі сағат 21:00-де Триатлон паркі аумағында атылды.
Отшашуды тамашалауға 10 мыңнан аса адам келді. 4 минут ішінде аспанға биіктігі 30-250 метр болатын 2,5 мың отшашу ұшырылды.
Айта кетейік, ұлттық мерекеге орай 100-ден аса түрлі форматтағы іс-шара (концерттер, қойылымдар, көрмелер, спорттық іс-шара және тағы басқа) өткізілді.
