Алматыда Республика күніне орай дрондар шоуы өтеді
Алматы аспанына 500-ден аса дрон көтерілмек
Фото: Алматы қаласы әкімдігі
Алматыда Республика күні мерекесіне орай дрондар шоуы ұйымдастырылмақ, деп хабарлайды Halyq Uni.
Қала әкімдігінің мәлімдеуінше, оны екі жерден және екі түрлі уақытта тамашалауға болады.
Бүгін сағат 21:00-де Абай алаңында және 21:30-да «Астана» алаңында дрондар шоуы өтеді. 500-ден астам дрон ұлттық мәдениеттің элементтерін және ел тарихындағы маңызды оқиғаларды бейнелейтін 3D көріністерді жасайды, деп жазылған әкімдік мәлімдемесінде.
Сондай-ақ, сағат 20:00-де «Көктөбе» телемұнарасында мерекелік жарық шамдары қосылады.
